दमौली: नेपाल पत्रकार महासङ्घ तनहुँका पूर्व अध्यक्ष मुक्तिनाथ खनालले शाखामा रु दुई लाखको अक्षयकोष स्थापना गरेका छन् ।
आफ्नी दिवंगत श्रीमती भवानी खनालको स्मृतिमा पुरस्कारका लागि उनले पत्रकार महासङ्घ तनहुँ शाखामा रु दुई लाखको अक्षयकोष स्थापना गरेका हुन् ।
महासंघका पूर्व अध्यक्ष प्रदीप काफ्लेलाई उनले दुई लाख रुपैयाँको चेक हस्तान्तरण गरेको महासंघले जनाएको छ । पत्रकारिता अक्षयकोष स्थापना गर्ने पहिल्यैदेखिको चाहना बमोजिम आफूले सहयोग गरेको खनालले बताए ।
शाखाका अध्यक्ष ओमकार आचार्यले पत्रकारिता अक्षयकोष स्थापना गरेकामा खनाललाई धन्यवाद दिँदै अक्षयकोषबाट प्राप्त हुने रकमबाट वार्षिक रुपमा क्रियाशील पत्रकारलाई पुरस्कार प्रदान गरिने जानकारी दिए ।
