हाेटल सन्चालकलाई खाना अभिमुखिकरण

बिकास खनाल

दमौली: ” गण्डकी प्रदेशको अाव्हान , स्वच्छ खाना स्वस्थ्य ज्यान ” भन्ने मुल नाराका साथ तनहुँको राजमार्ग क्षेत्रका हाेटलहरूकाे खाद्य स्वच्छता सम्बन्धि अभिमुखिकरण दमाैलीमा सम्पन्न भएको छ ।

सामाजिक विकास मन्त्रालय स्वास्थ्य निर्देशनालय गण्डकी प्रदेशको आयोजनामा भएको अभिमुखिकरणमा बोल्दै सहायक प्रजिअ चित्राङ्गत बरालले सबै व्यवसाय दर्ता गरेर मात्रै सन्चालन गर्न आग्रह गरे । उनले शुद्धतामा ख्याल गर्न अनुरोध गरे ।

हाेटल सन्चालकले ताजा र गुणस्तरीय वस्तुहरू मात्रै खरिद गर्ने र भान्साकाे सरसफाइमा विशेष ध्यान दिनुपर्ने उनको भनाइ थियो । भान्सामा काम गर्ने कुक सहितका मानिसहरू काे सरसफाइमा ध्यान दिन र मुल्यसुचि अनिवार्य राख्न अन्यथा अनुगमनको क्रममा कारबाहीको दायरामा अाउनपर्नेमा उनले सुझाएका थिए ।