बुटवलः नेपाल जेसिजको ४७ औं राष्ट्रिय महाधिवेशनबाट राष्ट्रिय अध्यक्षमा फराकिलो मतान्तरका साथ अरुणेश्वर खनाल विजयी भएका छन् । यस अघिको अध्यक्ष दौडमा पराजित भए पनि यसपालीको भलबारी महाधिवेशनमा खनालले आधा भन्दा बढी मतान्तरले जित प्राप्त गरे ।
उनले एक हजार ९० मत पाउँदा प्रतिष्पर्धी लालमणि भण्डारीले पाँच सय १२ मत मात्र पाए । सातमध्ये तीन उम्मेदवारले आफ्ना पक्षमा उम्मेदवारी फिर्ता लिए पछि उनी उच्च मनोबलका साथ मैदानमा थिए ।
बिसहजार जेसिज चितवनका तर्फबाट दोश्रो पटक अध्यक्षको दौडमा विजयी खनालले यस अघि नेपाल जेसिजमा कार्यकारी उपाध्यक्ष, महासचिवलगायतका पदमा काम गरिसकेका छन् ।
हाल चितवन बस्दै आएका खनाल तनहुँ भानु नगरपालिका चुँदीका हुन् ।
