नमूना वडा सचिव तनहुँकै उदाहरणीय कार्यालय बनाउँदै पण्डित

ऋषिङ्ग गाउँपालिका ८, साविक रानीपोखरी गाविसमा २०५५ सालमा सचिवका रूपमा नियुक्ती भएर आउनु भएका वडा सचिव चन्द्रनाथ पण्डित हिजो आज कार्यालयको काम बाहेक कार्यालय परिसरलाई सुन्दर बनाउने काममा व्यस्त हुनुहुन्छ । फूलहरू प्रति विशेष रुचि राख्नु हुने वहाँलाई हिजो आज फूल गोडमेल गर्न र बगैंचाको काम गर्ने भ्याईनभ्याई छ । ऋषिङ ८, पल्ट्याङमा केही समय अघि मात्र निर्माण सम्मपन्न भई संचालनमा आएको वडा कार्यालय परिसर हिजो आज विभिन्न रङ्गीचङ्गी फूलहरूले भरिभराउ देख्न सकिन्छ । सामान्यतया अन्य कार्यालयका कर्मचारीहरुले आफ्नो अफिसियल काममा मात्र जोड दिने गर्छन तर पण्डितले भने आफ्नो कार्यालय परिसरलाई सुन्दर र मनमोहन बनाउनका लागि दिनहुँ जसो नयाँ फूल सार्ने , गोडमेल गर्ने र पानी हाल्ने काम गर्नुहुन्छ । म विगत ३१ वर्ष देखि यसै क्षेत्रमा कार्यरत छु, यो मेरो आफ्नै ठाउँ हो त्यसैले मलाई आफ्नो ठाउँलाई सुन्दर राख्न मन लाग्छ उहाले भन्नुभयो । फूलहरू प्रति मेरो विशेष लगाव छ त्यसैले आफ्नो वरपर सुन्दर फूलहरू लगाउने गरेको हुँ । मैले कार्यालयको समयमा नै फुर्सद भएका बेला नयाँ फूलहरू सार्न, गोडलेम गर्न गरेको छु उहाँले भन्नु भयो । ऋषिङ क्षेत्रका लागि मात्र नभई समग्र तनहुँका सरकारी कार्यालय र कर्मचारीहरुको लागि समेत उदाहरणीय पात्र बन्नु भएको छ पण्डित । वडा कार्यालयका कामले आउने स्थानियहरुले कार्यालय परिसको सुन्दरतालाई समग्र ऋषिङ्ग क्षेत्रकै नमूना कार्यालय भएको बताए । पालो कुर्नु पर्दा समय कटाउन अत्यन्त गार्हो हुने गर्थ्यो बगैचाले गर्दा समय कटाउन सजीलो भएको छ कामका सिलसिलामा आउनु भएका रीखिराम गुरुङ्गले भन्नुभयो । सरकारी सेवा प्रवाहका लागि लामो समय देखि खटिनुभएका उहाँले कलम मात्र नभई कुटो कोदालो समेत चलाएर तनहूँ मा नै नमूना सुन्दर वडा कार्यालयको पहिचान दिनुभएको छ । कहीं कतै नयाँ फूलका बिरुवा देख्छु त कार्यालय सम्झिने गर्छु उहाले भन्नुभयो । कार्यालय परिसरलाई थप सुन्दर बनाउनका लागि हर सम्भव प्रयास गर्दैछु उहाँले भन्नुभयो ।