दुलेगौंडा
शुक्लागण्डकी नगरपालिकाका प्रमुख किसान गुरुङ दुई साता पछि कोरोना संक्रमण मुक्त भएका छन् ।
उनले सामाजिक सञ्जाल फेसबुकमा एक पोष्ट गर्दै आफू निको भएको जानकारी दिएका हुन् ।उनले आफ्नो स्वास्थ्यलाभको लागि कामना गर्ने प्रति आभार प्रकट गर्दै यो आफ्ना लागि महत्वपूर्ण भएको लेखेका छन् ।
गत मंसिर ७ गते संक्रमण भए यता उनी होम आइसोलेसन थिए । उनको अस्वस्थताका कारण रोकिएको नगर कार्यपालिका बैठक अब मंसिर २४ का लागि तोकिएको नगरपालिकाले जनाएको छ।
