दमौली: गण्डकी प्रदेशका आर्थिक मामिला तथा योजना मन्त्री किरण गुरुङले सोडे र बुल्दी पुलको उद्घाटनलाई अनधिकृत भनेका छन् ।
सोडे पुल संघ सरकार र बुल्दी पुल प्रदेश सरकारको स्वामित्वमा रहेको भन्दै उनले एक प्रेस विज्ञप्तिमार्फत सम्बन्धित सरकारलाई जानकारी र समन्वय नै नगरी कांग्रेसको दलबलबाट उद्घाटन भएको भन्दै यसलाई हास्यास्पद र लज्जास्पद भनेका छन् ।
मन्त्री गुरुङले राजनीतिक बल मिच्याइका आधारमा उद्घाटन भएको भन्दै यसलाई खेदजनक भनेका छन् ।
