पोखराः गण्डकी प्रदेशमा कोरोना संक्रमणबाट ज्यान गुमाउनेको संख्या एक सय ५४ पुगेको छ ।
पछिल्लो २४ घण्टामा थप दुईको ज्यान गएसँगै मृतकको संख्या थपिएको हो ।
प्रदेश स्वास्थ्य निर्देशनालयका अनुसार कास्की पोखरा महानगरपालिका १९ का ५७ वर्षका पुरुषको शुक्रबार राती उपचारका क्रममा गण्डकी मेडिकल कलेज पोखरामा ज्यान गएको थियो । यसैगरी, पोखरा महानगरपालिका ११ का ६० वर्षका संक्रमितको आईतबार विहान उपचारका क्रममा पोखरा स्वास्थ्य विज्ञान प्रतिष्ठानमा ज्यान गएको थियो ।
ज्यान गुमाएका दुवैमा न्युमोनियासहितको समस्या देखिएको निर्देशनालयले जनाएको छ । पछिल्लो समय प्रदेशमा संक्रमणका कारण ज्यान गुमाउनेको संख्या निरन्तर देखिइरहेको छ ।
