दमौलीः लामो समय लकडाउनका कारण समस्यामा परे पछि सातै दिन खुला हुन थालेको दमौली बजार अब भने सातामा एक दिन बन्द हुने भएको छ ।
तनहुँ उद्योग वाणिज्य संघ दमौली बजार एकाई समितिले अब साताको अन्तिम दिन शनिबार अनिवार्य बन्द गर्ने निर्णय गरेको छ ।
कोभिडका कारण समस्यामा परेकाले लामो समय सातै दिन खुले पनि अब नियमित बजार खुल्न थालेकाले शनिबार पहिलेझैं बजार बन्द गर्ने निर्णय गरिएको एकाईका सचिव दधिराज घिमिरेले जानकारी दिए ।
एकाईले सार्वजनिक सूचना जारी गर्दै शनिबार बजार बन्द गर्नका लागि व्यवसायीमा आग्रह गरेको सचिव दधिराज घिमिरेले जानकारी दिए ।