म्याग्देः एक पुरुषको कोरोना संक्रमणबाट ज्यान गएको म्याग्दे गाउँपालिकाले वडा नम्बर ७ को कार्यालयलाई एक साता बन्द गर्ने निर्णय गरेको छ ।
गाउँपालिकाका प्रमुख प्रशासकिय अधिकृत नारायणप्रसाद अधिकारीद्वारा जारी सूचनामा वडा कार्यालय नजिकै घर भएका ४८ वर्षका पुरुषको निधन भएको भन्दै मृतकका परिवार र संक्रमितको सम्पर्कमा आएका व्यक्तिको कन्ट्याक्ट ट्रेसिङका लागि एक साता कार्यालय बन्द गर्ने निर्णयलाई गाउँपालिकाले सदर गरेको उल्लेख छ ।
बिहिबार बसेको कार्यपालिका बैठकले अत्यावश्यकबाहेकका सेवा आगामी मंसीर १७ सम्म बन्द गर्न वडाबाट आएको अनुरोधलाई गाउँ कार्यपालिका बैठकले स्विकृत गरेको उल्लेख छ ।