दमौलीः कुखुराको खोरमा जुवा खेलिरहेका १९ जनालाई तनहुँ प्रहरीले व्यास १२ बेलघारीबाट पक्रेको छ ।
बिहिबार राती गएको प्रहरी टोलीले बेलघारीस्थित एक घरबाट कौडा खेल्दै गरेका व्यक्तिसहित नगद तीन लाख १० हजार रुपैयाँ बरामद पनि गरेको छ ।
ईलाका प्रहरी कार्यालय भानुमुकाम डुम्रेबाट गएको ईन्स्पेक्टर प्रकाश भुषाल नेतृत्वको प्रहरी टोलीले कारबाही गरेको हो ।
प्रहरीले पक्राउ सबैविरुद्ध मुद्दा दर्ताको तयारी गरेको छ । यसबारेमा विस्तृत विवरण पछि उपलब्ध गराइने प्रहरीले जनाएको छ ।