दुलेगौंडाः शुक्लागण्डकी नगरपालिकाले कार्यालय नै बन्द गरेर कर्मचारी र जनप्रतिनिधिहरुको कन्ट्याक्ट ट्रेसिङ थालेको छ ।
मंगलबार आएको रिपोर्टमा नगर प्रमुख किसान गुरुङसहितका व्यक्तिमा संक्रमण भेटिए पछि नगरपालिकाले शुक्रबारसम्म कार्यालय बन्द गरेर कन्ट्याक्ट ट्रेस गर्ने घोषणा गरेको थियो ।
नगरपालिकाका प्रमुख प्रशासकिय अधिकृत गंगालाल सुवेदीले कोरोनाको जोखिमका कारण नगरपालिकाका अधिकांश कर्मचारी र जनप्रतिनिधिको पनि कन्ट्याक्ट ट्रेसिङ गरिन लागिएको जानकारी दिए ।
पछिल्लो समय शुक्लागण्डकीमा परीक्षण दर बढी भएका कारण पनि संक्रमितको संख्या समेत वृद्धि देखिएको छ ।
