दमौली: साथीसँग घुम्न मानुङ आएका शुक्लागण्डकी ७ श्याउली निवासी करिब ३५ वर्षका सागर थापा मृत भेटिएका छन् ।
मंगलबार राती साथीसँग रमाइलो गरेर बिहान सुत्न गएका सागर न उठेपछि साथीहरु उठाउन जाँदा उनी मृत भेटिएका थिए । स्थानीय सुमन थापाका अनुसार उनी स्थानीय एक होमस्टे मा बसेका थिए ।
उनीसँग आएका साथीहरुले रातभर नाचगान गरेर रमाइलो गरे पछि उनी बिहान सुत्छु भनेर गएको तर अबेर पनि न उठेको जानकारी दिए ।अहिले घटनास्थलमा पुगेको प्रहरीले शवको मुचुल्का गरेको छ । मृत्युको कारणबारे अनुसन्धान भइरहेको प्रहरीले जनाएको छ ।