दमौली: कर्मचारीमा संक्रमण बढेको भन्दै व्यास नगरपालिकाले तिहारपछि थप तीन दिन कार्यालय बन्दको घोषणा गरेको छ ।
एक सूचना जारी गर्दै नगरपालिकाले मंसीर ३ गतेबाट ५ गतेसम्म नगरपालिका तथा सबै वडा कार्यालय तथा नगरपालिकाका अत्यावश्यकबाहेकका सबै सेवा बन्द गर्ने उल्लेख गरेको छ ।
नगरपालिकाका प्रमुख प्रशासकिय अधिकृत डिल्लीराम सिग्देलद्वारा जारी सूचनामा नगर कार्यपालिकाको गत कार्तिक २३ गतेको बैठकबाट भएको निर्णयका आधारमा यस्तो निर्णय गरिएको उल्लेख गरेका छन् ।
यस अघि पनि नगरपालिकाले दशैंका समयमा कर्मचारीमा संक्रमण बढेको भन्दै बिदा अवधि बढाएको थियो ।