केसीको उपचार सरकारले गर्ने

काठमाडौंः कोरोना संक्रमणपछि स्वास्थ्य उपचार गराईरहेका राष्ट्रिय जनमोर्चा अध्यक्ष चित्रबहादुर केसीको उपचार खर्च बेहोर्ने सरकारले घोषणा गरेको छ ।

बिहिबार बसेको मन्त्रिपरिषद बैठकपछि अर्थ मन्त्री विष्णु पौडेलले सामाजिक सञ्जाल ट्विटरमा पोष्ट गर्दै केसीको सम्पूर्ण उपचार खर्च सरकारले बेहोर्ने घोषणा गरेका थिए ।

यस अघि पार्टीले केसीको उपचारका लागि धेरै खर्च लाग्न सक्ने र स्वास्थ्य अवस्था गम्भीर भएको भन्दै खर्चमा सघाउन अपिल गरेको थियो ।