दमौलीः गण्डकी प्रदेशमा कोरोनाका कारण ज्यान जानेको संख्या १ सय ११ पुगेको छ । गण्डकी प्रदेश स्वास्थ्य निर्देशनालयका अनुसार पछिल्लो २४ घण्टामा पोखराका चार जनाले संक्रमणका कारण ज्यान गुमाएका छन् ।
मणिपाल शिक्षण अस्पतालमा पोखराका ८२ वर्षकी महिला, गण्डकी मेडिकल कलेजमा पोखरा १७ का ७४ वर्षकी महिला र पोखरा ११ का ६० वर्षका वृद्ध तथा फिस्टेल अस्पतालमा पोखरा १० का ८६ वर्षका वृद्धको कोरोना संक्रमणबाट ज्यान गएको हो ।
पछिल्लो समय संक्रमणबाट ज्यान जाने अधिकमा न्युमोनिया तथा ज्वरोका लक्षण देखिएको र उनीहरुमा वृद्धावस्थाका व्यक्तिको बाहुल्यता रहेको पाइएको छ ।