दमौली: तनहुँको सदरमुकाम दमौलीमा खसीबोकाको मासुको मूल्य प्रतिकिलो १ हजार ४ सय रुपैयाँ कायम गरिएको छ।
तनहुँ मासु व्यवसायी संघको बैठकले खसीबोकाको मासुको नयाँ मूल्य निर्धारण गरेको हो। संघले कात्तिक १४ गते शनिबारदेखि लागू हुने गरी प्रतिकिलो १ हजार ४ सय रुपैयाँ मूल्य कायम गरिएको जनाएको छ।
नयाँ मूल्य लागू भएसँगै दमौली क्षेत्रका उपभोक्ताले खसीबोकाको मासु प्रतिकिलो १ हजार ४ सय रुपैयाँमा खरिद गर्नुपर्ने भएको छ। संघले व्यवसायीहरूलाई निर्धारण गरिएको नयाँ मूल्यअनुसार मासु बिक्री गर्न समेत आग्रह गरेको छ।
