दमौली : पत्रकारिता पेशा सँगै पत्रकार साने बहादुर नेपालीले व्यावसायिक कुखुरा तथा खसीपालनलाई पनि आम्दानीको स्रोतका रूपमा अघि बढाएका छन् । पत्रकार नेपालीले स्थानीय तथा सोनाली जातका गरी करिब २ सय वटा कुखुरा सहित खसि बोका पनि पालन गरेका हुन् ।
पत्रकारिता सँगै कृषि तथा पशुपालनलाई पनि निरन्तरता दिँदै उनले घर खर्च व्यवस्थापनका लागि अतिरिक्त आम्दानीको स्रोतका रूपमा कुखुरा र खसीपालन व्यवसायी गरेको जानकारी दिए।
उनका अनुसार कुखुरापालनबाट हुने आम्दानीले घर खर्चमा सहयोग पुग्दै आएको छ, भने खसीपालनलाई समेत व्यवसायका रूपमा विस्तार गर्ने योजना रहेको छ।
पत्रकारिता पेशा र व्यवसायलाई सँगसँगै अघि बढाउँन परिवारबाट पनि ठूलो सहयोग भएको बताउने पत्रकार नेपालीले आफ्नै ठाउँमा स्वरोजगार बन्न सकिने उदाहरण प्रस्तुत गरेका छन् ।
