दमौलीः पछिल्लो २४ घण्टामा तनहुँमा २२ जनामा थप कोरोना संक्रमण भेटिएको छ । स्वास्थ्य कार्यालय तनहुँका अनुसार व्यास नगरपालिकामा १०, शुक्लागण्डकी नगरपालिकामा नौ तथा भानु नगरपालिकामा तीन नयाँ संक्रमण भेटिएको छ ।
पोखरास्थित क्षेत्रीय क्षयरोग प्रयोगशालामा गरिएको परीक्षणका क्रममा व्यासका नौ, शुक्लागण्डकीका नौ र भानुका दुई जनामा संक्रमण पुष्टि भएको स्वास्थ्य प्रमुख शंकरबाबु अधिकारीले बताए ।
यसैगरी चितवन मेडिकल कलेजमा गरिएको परीक्षणका क्रममा व्यासमा थप एक र भानुमा अर्का एक व्यक्तिमा नयाँ संक्रमण भेटिएको उनले जानकारी दिए ।
