दमौली: तनहुँको बन्दीपुर गाउँपालिका–४ गुम्बा नजिक टिपर दुर्घटना हुदाँ टिपर चालकको मृत्यु भएको छ । मृत्यु हुनेमा व्यास नगरपालिका–४ निवासी ३६ का चुनु श्रेष्ठ रहेका प्रहरी नायव उपरीक्षक द्वारिका प्रसाद घिमिरेले जानकारी दिए । उनका अनुसार ग १ क ५४६६ नंम्बरको टिपर चालकले नियन्त्रण गुमाउँदा सडकदेखि पाँच मिटर तल खस्दा चालक सख्त घाइते भएका थिए ।
दुर्घटनामा परेका श्रेष्ठलाई तत्कालै उपचारका लागि सैनिक अस्पताल पोखरा पठाइएकोमा उपचारको क्रममा आज मृत्यु भएको थियो ।
अहिले मृतकको शव पोखरा स्थित गण्डकी अस्पतालमा राखिएको जानकारी प्राप्त भएको प्रहरी नायव उपरीक्षक घिमिरेले जानकारी दिए ।
