पोखरा: पोखरा महानगरपालिका वडा नं. १७ स्थित फुस्रे खोलामा पौडी खेल्ने क्रममा एक बालकको ज्यान गएको छ ।
दिउँसो साढे २ बजेको समयमा पौडी खेल्ने क्रममा ड्यामसाइड बस्ने १४ वर्षका स्वहेन नेपालीको मृत्यु भएको सशस्त्र प्रहरी बल नेपाल नं. २४ गण हेडक्वार्टर कालिकाले जानकारी दिएको छ ।
खोलामा पौडी खेल्ने क्रममा डुबेर बेपत्ता भएको सूचना प्राप्त भएपछि सशस्त्र प्रहरी उद्धारमा खटिएका थिए । सशस्त्र प्रहरी निरीक्षक बिनोद पौडेलको कमाण्डमा १४ जनाको गोताखोरसहितको टोली घटनास्थलमा पुगेर खोजीको क्रममा करिब २० फिट गहिराइबाट बालकलाई निकालिएको थियो ।
उद्धारपछि उनलाई तत्काल पोखरा स्वास्थ्य विज्ञान प्रतिष्ठान लगिएकोमा चिकित्सकले मृत घोषणा गरेका छन् ।
पठाइएकोमा उपचारको क्रममा दिउँसो १७ः०५ बजे चिकित्सकले मृत घोषणा गरेका छन् । फुस्रे खोलामा पौडी खेल्ने क्रममा डुबेर वर्षेनी दर्जनौंको ज्यान गइरहेको छ । धेरैजसो किशोर तथा बालकहरु रहेका छन् ।
