झापा : आगामी २१ फागुनमा हुने प्रतिनिधिसभा निर्वाचनका लागि नेकपा एमालेका अध्यक्ष केपी शर्मा ओलीको नाम झापा क्षेत्र नम्बर ५ बाट एकल सिफारिस भएको छ ।
शनिबार सम्पन्न पार्टीको क्षेत्रीय कमिटि बैठकले प्रत्यक्ष तर्फको उम्मेदवारमा अध्यक्ष ओलीको एकल नाम सिफारिस गरेको हो ।
झापा–५ का लागि सर्वसम्मत रुपमा अध्यक्ष ओलीको नाम सिफारिस गरिएको एमाले झापाका सचिव तुलसी कार्कीले बताए । झापा ५ ओलीको गृहक्षेत्र हो । उनी २०७९ र २०७४को निर्वाचनमा पनि यही क्षेत्रबाट निर्वाचित भएका थिए । सभारः कान्तिपुर
