दुलेगौंडाः कोरोना संकटका कारण खानाको अभाव भोगेका शुक्लागण्डकीका ४८ परिवारलाई त्यहाँका युवाले खाद्यान्न सहयोग गरेका छन् ।
शुक्लागण्डकी युनेस्को केन्द्र र शिलादेवी युवा क्लबको संयुक्त सक्रियतामा स्थापित फुड बैकले दोश्रो चरणमा शुक्लागण्डकी ४ र ८ को पुल्चोकका परिवारलाई सहयोग गरेको हो ।
क्लबमा आवद्ध युवाले खर्च कटाएर तथा सुभेच्छुकको सहयोगबाट सहयोग वितरण गरेका हुन् । संविधान सभा सदस्य हसिना बेगमको उपस्थितिमा सहयोग वितरण गरिएको शुक्लागण्डकी युनेस्को केन्द्रका अध्यक्ष भीष्म श्रेष्ठले जानकारी दिए ।