दमौली : विगत ६ महिना देखि ब्लड क्यान्सर रोगबाट पीडित व्यास नगरपालिका वडा नं. १३ निवासी श्री कृष्ण वि.क. कोे उपचारका लागि आर्थिक सहयोग जुटेको छ । तनहुँ सुनचाँदी व्यवसायी संघमा आवद्ध दमौलीका व्यवसायीहरुबाट आर्थिक सहयोग जुटेको हो ।
पहिलो चरणमा संकलित रकम ३६ हजार २ सय, ४५ रुपौया अध्यक्ष, पदाधिकारी र कार्यसमितिको उपस्थितिमा श्री कृष्ण वि.क.को श्रीमती दुर्गा वि.कलाई हस्तान्तरण गरेका थिए ।
ब्लड क्यान्सर पीडित श्री कृष्ण वि.क.को भरतपुर क्यान्सर अस्पताल, चितवनमा उपचार भईरहेको तनहुँ सुनचाँदी व्यवसायी संघका अध्यक्ष हरि गहतराजले बताए । उनका अनुसार पीडितलाई उपचार खर्चको अभाव भएको भनि केहि सहयोगको अपेक्षा सहित संघमा पिडितले निवेदन दिए पछि रकम संकलन सुरु भएको थियो ।
