दमौली: व्यास युवा क्लबले तनहुँ कालिका सहिद शान्ति पार्कको सरसफाई गरेको छ । दशैंको अवसर पारेर क्लबले मन्दिरको सरसफाई गरेको हो ।
क्लबका सदस्यहरूले विहान मन्दिर जाने बाटो तथा मन्दिर क्षेत्रको सरसफाई गरेको अध्यक्ष मीनबहादुर गुरुङ चरीबाबाले जानकारी दिए । क्लबले मन्दिर जाने बाटोमा आठ डस्टबिन पनि राखेको छ । व्यास ५ का वडा अध्यक्ष मोहनकुमार श्रेष्ठ, पार्कका उपाध्यक्ष माधवबहादुर पन्तलगायतले क्लबका युवाले गरेको कामको प्रशंसा गरे ।
कार्यक्रममा क्लबका संस्थापक अध्यक्ष निरज गुरुङ तथा उपाध्यक्ष केशव रानालगायतले क्लबका गतिविधिबारे जानकारी गराएको सचिव राउतले जानकारी दिए ।