म्याग्दे: लायन्स क्लब अफ तनहुँ म्याग्देले म्याग्देको अकला मन्दिर परिसरको सरसफाई गरेको छ । बडा दशैंको अवसरमा चहलपहल रहने मन्दिर परिसरको सरसफाई गरिएको अध्यक्ष भीमलाल श्रेष्ठले जानकारी दिए ।
क्लबका पदाधिकारीहरुले मन्दिरको सरसफाई गरेका थिए । सोही अवसरमा क्लबले मन्दिर क्षेत्रको सरसफाईका लागि भन्दै दुई डस्टबिन प्रदान गरेको छ ।
क्लबका अध्यक्ष भीमलाल श्रेष्ठले मन्दिर व्यवस्थापन समितिका अध्यक्ष मीनबहादुर बराईलाई डस्टबिन प्रदान गरेका हुन् । ‘आउने श्रद्धालुले जथाभावी फोहोर नफालुन् भनेर डस्टबिन प्रदान गरेका हौं,’ अध्यक्ष श्रेष्ठले भने ।