शुभकामना तथा चियापान कार्यक्रम पनि नगर्न आग्रह
दमौलीः तनहुँ प्रशासनले यात्रा र जमघट नगरिकन चाडबाड घरमै मनाउन आग्रह गरेको छ ।
प्रशासनले अनावश्यक भिडभाड हुने चियापान तथा शुभकामना आदानप्रदान कार्यक्रम पनि नगर्न अनुरोध गरेको छ ।
सहायक प्रमुख जिल्ला अधिकारी चित्रांगद बरालद्वारा जारी सूचनामा बिदाको समय भन्दै समूहमा घुमफिर नगर्न तथा खेलकुद र सांस्कृतिक कार्यक्रम पनि नगर्न अनुरोध गरिएको छ ।
प्रशासनले सवारी साधनमा भिड नगर्न तथा स्वास्थ्य मापदण्डको पालना गर्न पनि अनुरोध गरेको छ ।
विज्ञप्तिमा चाडबाडमा जुवातास नखेल्न तथा व्यापार व्यवसाय गर्दा स्वास्थ्य मापदण्ड पालना गर्न पनि आग्रह गरिएको छ ।
