बन्दीपुरः बन्दीपुर गाउँपालिकाका ५६ जना मानसिक अपांगता भएका परिवारलाई राहत वितरण गरिएको छ । कोशिष नेपाल संस्थाको आयोजनामा बन्दीपुर गाउँपालिकामा भएको कार्यक्रममा कोभिडका कारण समस्यामा परेका ती परिवारलाई राहत वितरण गरिएको बताइएको छ ।
गाउँपालिकाका अध्यक्ष पूर्णसिं थापाले राहत हस्तान्तरण गरे । प्रत्येक परिवारलाई एक बोरा चामल, नुन तेल, मसला, चिनी, दाल लगायत वितरण गरिएको गाउँपालिकाले जनाएको छ ।
वितरण कार्यक्रममा संस्थाका प्रतिनिधिसँगै उपाध्यक्ष करुणा गुरुङ, प्रवक्ता ध्रुवराज लामिछाने, प्रमुख प्रशासकिय अधिकृत महेश सुवेदीलगायत उपस्थित थिए ।
कोशिष नेपाल संस्थाले मानसिक समस्या भोग्दै आएकालाई उपचारमा सघाए पनि अहिले कोभिडका कारण समस्यामा परेका परिवारलाई राहत वितरण गरिएको जनाएको छ ।