दमौलीः दमौली न्यूज डट कमका सम्पादक पवन पौडेल सामुदायिक रेडियो प्रसारक संघ अकोराबको केन्द्रीय समिति(सदाचार) सदस्य पदमा सर्वसम्मत निर्वाचित भएका छन् ।
आइतबार साँझ सम्पन्न देशैभरका सामुदायिक रेडियो सञ्चालकहरुको छाता संस्थाको आठौं अधिवेशनबाट केन्द्रीय नेतृत्वमा पौडेल सर्वसम्मत निर्वाचित भएका हुन् । दमौली एफएमका निवर्तमान कोषाध्यक्ष तथा शेयर सदस्य पौडेलले स्टेशनको कार्यकारी प्रमुखका रुपमा काम गरिसकेका छन् ।
उनकै पालामा रेडियोले आफ्नो नाममा भवन निर्माणका लागि जग्गासमेत खरिद गरेको थियो ।
यसअघि समितिको कोषाध्यक्षमा निर्वाचित पौडेल सामुदायिक रेडियो अभियानमा लामो समयदेखि सक्रिय छन् ।
यसैगरी, मादीसेती एफएमका स्टेशन म्यानेजर ओमकार आचार्य संघको प्रदेश अध्यक्ष पदमा सर्वसम्मत निर्वाचित भएका छन् ।
