दमौलीः अविरल वर्षाका कारण तनहुँस्थित पृथ्वी राजमार्गका विभिन्न खण्डमा यातायात सञ्चालनमा कठिनाइ आएको छ ।
जिल्ला प्रहरी कार्यालय तनहुँका अनुसार व्यास नगरपालिका वडा नं। १२ घाँसी कुवा स्थित पृथ्वी राजमार्ग सडक खण्डमा हिलो सहीतको पहिरो खस्दा राजमार्गमा यातायात अवरुद्ध छ ।
हिलोका कारण यातायात दुवैतर्फ अवरुद्ध भएकाले हटाउने प्रयास भैरहेको प्रहरीले जनाएको छ ।
विस्तार भैरहेको पृथ्वी राजमार्गअन्र्तगतका विभिन्न खण्डमा हिलो तथा पानीका कारण यातायात सञ्चालनमा कठिनाइ देखिएको प्रहरीको भनाइ छ ।
मौसम पूर्वनुमान महाशाखाले शुक्रबार गण्डकी प्रदेश तथा आसपासमा बढी वर्षा हुने अनुमान गरेका कारण राजमार्ग र अन्य सहायक सडकको यात्रा कष्टकर हुने देखिएको छ ।
