बन्दिपुर: तनहूँको याम्पामा ट्रकको ठक्करबाट घाइते भएका ३ जनाको उपचारका क्रममा मृत्यु भएको छ । बन्दिपुर गाउँपालिका वडा नम्बर ५ याम्पा स्थित पृथ्वी राजमार्गमा ट्रकले ठक्कर दिँदा ८ जना घाइते भएका थिए ।
तीमध्ये गम्भीर घाइते भएका ३ जनाको उपचारका क्रममा मृत्यु भएको जिल्ला प्रहरी कार्यालय तनहूँ ले जनाएको छ । मृत्यु हुनेमा बन्दिपुर गाउँपालिका वडा नम्बर १ का बासिन्दा सन बहादुर भुजेल, चेतबहादुर घर्ती र आयुष भुजेल रहेका छन् ।
डुम्रे बाट मुग्लिन तर्फ जादै गरेको ना ४ ख १९७३ नं को ट्रक अनियन्त्रित भई सडकको छेउमा रहेको सुनमाया भुजेल र सन बहादुर भुजेलको घरमा ठोक्किन गई दुर्घटना भएको जिल्ला प्रहरी कार्यालय तनहूँका सुचना अधिकारी एवं प्रहरी नायव उपरिक्षक मोहन बहादुर खाँडले जानकारी दिए ।
