दमौलीः व्यास ३ कराङकाठस्थित बसपार्कमा पार्किङका लागि ल्याइएको स्थानीय श्रृंग यातायात कम्पनीको बस दुर्घटनाबाट जोगिएको छ ।
घुम्तीमा रहेको सडकको खाल्डोमा फसेको ग १ ख ९७१२ नम्बरको यात्रुवाहक बस झण्डै बुल्दी खोलामा खसेको थियो ।
पुलनजिकैको खाल्डोमा अड्किएको बस झिक्न क्रेन नै प्रयोग गर्नु परेको थियो ।
बजारमा पार्किङ गर्न नदिइने तर बस पार्क जाने बाटोको घुम्ती साँघुरो र सडक पनि माटो हालेर पुरिएकाले यातायात व्यवसायी मर्कामा परेको स्थानीय श्रृंग यातायात कम्पनी प्रालिका शाखा प्रमुख चित्र गुरुङले बताए ।
