दमौलीः जथाभावी फोहरका कारण दुर्गन्धित बनेको तनहुँ कालिका मन्दिर वरपर राप्रपाले सरसफाई गरेको छ । राप्रपा व्यास नगर समितिको आयोजनामा मन्दिर आसपासमा जथाभावी फालिएका फोहर शंकलन गर्दै सरसफाई गरिएको थियो ।
पार्टीका केन्द्रीय सदस्यद्वय राजेन्द्र अधिकारी र गौमाया श्रेष्ठ तथा जिल्ला अध्यक्ष विनोद घर्तीलगायत नेता कार्यकर्ताको सहभागीतामा सरसफाई गरिएको नगर अध्यक्ष आईतबहादुर घलेले बताए ।
बजार नजिकैको चर्चित धार्मिक एवं पर्यटकीय स्थलको सफाइमा सम्बन्धित निकाय तात्नुपर्ने भए पनि त्यसो हुन नसकेकाले सरसफाई गरेर खबरदारी गरिएको पार्टी जिल्ला अध्यक्ष घर्तीले बताए ।
