दमौलीः जोखिम बढ्दै गए पछि दमौलीका उद्योग व्यवसाय विहान ७ देखि साँझ ७ बजेसम्म खुलाउने विषयमा सहमति जुटेको छ ।
व्यास नगर उप प्रमुख मीरा जोशीको अध्यक्षतामा बसेको व्यवसायी तथा उपभोक्ता अधिकारकर्मी सहभागी बैठकमा बजारमा कोरोना संक्रमणको जोखिम बढेको भन्दै विहान ७ देखि साँझ ७ बजेसम्म व्यवसाय सञ्चालन गर्ने सहमति जुटेको तनहुँ उद्योग वाणिज्य संघ दमौली बजार एकाई सभापति राजकुमार श्रेष्ठ ‘राकु’ले जानकारी दिए ।
एकाईले व्यवसायीलाई विहान ७ देखि साँझ ७ बजेसम्म व्यवसाय सञ्चालन गर्न र स्वास्थ्य मापदण्ड पालना गर्न सूचना जारी गरेको छ ।
होटलका हकमा भने हाल ९ बजेसम्म खुलाउने सहमति भए पनि यस विषयमा थप छलफल गर्ने नगरपालिकाले बताएको सभापति श्रेष्ठले जानकारी दिए ।
