दमौलीः आफ्ना एक उच्चस्तरका कर्मचारीमा कोरोना देखिए पछि प्रभु बैंकको दमौली शाखा बन्द गरिएको छ ।
एक साता देखि बिदामा रहेका ती कर्मचारी बिरामी परेपछि गत बुधबार नमूना लिइएकामा उनको नतिजा आईतबार पोजेटिभ आएको थियो ।
उनी बिदामै रहे पनि नतिजा पोजेटिभ आए पछि शाखा स्यानिटाइज गर्न र अरु स्टाफको पनि नमूना परीक्षणका लागि शाखा बन्द गरिएको बैंकका क्लस्टर हेड राजु रानाले जानकारी दिए ।
‘एक सातादेखि बिदामा भएकाले उहाँको सम्पर्कमा अरु आएको अवस्था छैन,’ उनले भने,‘तर पनि स्वास्थ्यका मापदण्ड पुरा गर्नका लागि शाखा बन्द गरेका छौं ।’
उनले अरु स्टाफको स्वाब संकलन गरेर पठाइने र यसबीचमा शाखालाई निसंक्रमण गर्ने पनि जानकारी दिए ।