दमौली: बलेरो जीपको ठक्करबाट व्यास १३ देउरालीस्थित पृथ्वी राजमार्गमा घाइते मकवानपुरका दुई युवाको ज्यान गएको छ ।
ज्यान जाने दुवै मोटरसाइकलमा सवार हुन् । डुम्रेबाट दमौली तर्फ आउँदै गरेको बा ४३ प ३०२० न.को मोटरसाइकललाई
ग ३ च ४१८२ न.को बलेरोले ठक्कर दिँदा घाइते मकवानपुर हेटौडा म.न.पा.-१३ घर भइ हाल गजरमुखी प्रालिमा कार्यरत २६ वर्षका जयराम मोक्तान र पछाडी सवार मकवानपुर भिमफेदी गा.पा.-१ घर भइ गजरमुखीमै कार्यरत २३ वर्षका दिपेश गोलेलाई चिकित्सकले मृत घोषणा गरेको प्रहरीले जनाएको छ ।
दुवैको शव अस्पताल दमौलीमा रहेको पनि प्रहरीले जनाएको छ ।
