दुलेगौंडा : शुक्लागण्डकी नगरपालिकाले ६० वर्ष कटेका एकल पुरुषलाई भत्ता दिने घोषणा गरेको छ ।
शुक्रबार ११ औ नगरसभामा प्रस्तुत आर्थिक वर्ष २०७९÷८० को नीति तथा कार्यक्रममा एकल पुरुषलाई भत्ताको विषय समावेश गरिएको हो ।
एक अर्ब २२ करोड १६ लाख रुपैयाँको प्रस्तावित बजेटको नीति तथा कार्यक्रममा उल्लिखित प्रस्ताव आएको हो ।
नगर प्रमुख कृष्णराज पण्डितको अध्यक्षतामा भएको नगर सभामा उप प्रमुख खुमबहादुर विकले प्रस्तुत गरेको नीति तथा कार्यक्रममा पूर्वाधार विकासलाई प्राथमिकता दिएर दिइएको छ ।
नीति तथा कार्यक्रमले भूमिहीन, सुकुम्बासी र सुकुम्बासीलाई पुर्जा वितरण गर्ने लक्ष्य लिएको र भ्रष्टाचाररहित सेवा दिने नगर प्रमुख पण्डितले बताए ।
