विकास खनाल
दमौलीः व्यास नगरपालिका–३ देउरालीनगरमा धारिलो हतियार प्रहारबाट एक स्थानीय सख्त घाइते भएका छन् ।
स्थानीय विनोद थापाले हतियार प्रहार गर्दा घाइते हुनेमा वीरबहादुर थापा छन् । हतियार प्रहार गर्दा थापा घाइते भएका हुन् ।
आँखा र टाउकामा गहिरो चोट लागेका थापाको दमौलीस्थित समाधान अस्पतालमा सामान्य उपचार पश्चात पोखरा रिफर गरिएको प्रहरीले जनाएको छ । नाताले साला पर्ने ती व्यक्तिले किन हतियार प्रयोग गरे भन्ने बिषयमा थप अनुसन्धान भैरहेको तनहुँका प्रहरी नायव उपरीक्षक युवराज खड्काले जानकारी दिए ।
हतियार प्रहार गर्ने व्यक्तिलाई प्रहरीले नियन्त्रणमा लिई अनुसन्धान थालेको छ । घाइते थापा सोही ठाउँमा मोटरसाइकल ग्यारेज संञ्चालन गर्दै आएको बताइएको छ । हतियार प्रहार गर्ने व्यक्ति मानसिक सन्तुलन गुमाएको व्यक्ति भएको बुझिएको छ ।