भन्सारः भानु ८ को मतगणना नसकिंदै नगर प्रमुखमा नेपाली कांग्रेसका उम्मेदवार आनन्दराज त्रिपाठी विजयी भएका छन् । उनले हालसम्म प्राप्त गरेको १० हजार नौ सय ३७ मत
भानु ८ को बाँकी छँदै एमालेका प्रतिष्पर्धी एमालेका सीताराम बजगाईंभन्दा तीन हजार तीन सय मतले अगाडि छन् ।
बजगाईंले यो समाचार तयार पार्दासम्म सात हजार छ सय ४९ मत पाएका छन् ।
यस आधारमा भानुको नगर प्रमुखमा आनन्दराज त्रिपाठी निर्वाचत भएका हुन् । भानु ८ को पूर्ण नतिजाका आधारमा उनको मतान्तर प्रष्ट हुने देखिन्छ ।
नगर उप प्रमुख पदमा पनि कांग्रेसकी उमा गोतामे विजयी भएकी छन् ।
उनले नौ हजार तीन सय ५३ मत पाउँदा निकटतम प्रतिष्पर्धी जोशी समूहका एमाले समेतको समर्थन पाएका स्वतन्त्र उम्मेदवार केशरबहादुर गुरुङले चार हजार आठ सय ६७ मत पाएका छन् । जुन गन्न बाँकी मतको तुलनामा जितका लागि पर्याप्त छ ।
अब भानु ८ को नतिजापछि दुवैको जितको औपचारिक अन्तर प्रष्ट हुनेछ ।
दुवैको हालसम्मको मतपरिणाम यस्तो छः
भानु नपा अपडेट
प्रमुख
आनन्दराज त्रिपाठी (रुख)ः १०९३७
सीताराम बजगाईं (सूर्य)ः ७,६४९
उप प्रमुख
उमा गोतामे (रुख)ः ९३५३
केशरबहादुर गुरुङ (कैंची)ः ४८६७