म्याग्दे:गण्डकी प्रदेशका मुख्य मन्त्री कृष्णचन्द्र नेपाली पाेख्रेल र जगतगुरू शंकराचार्यबाट आज अकला मन्दिरको उद्घाटन हुने भएको छ ।
तनहुँकाे म्याग्दे गाउँपालिका ३, किलचोकमा रहेको अकलादेवी मन्दिरको गुरु योजना अनूरुप मुख्यमन्त्री पोख्रेल र श्रीकाशीसुमेरु पीठाधीश्वर जगद्गुरु शंकराचार्य जी महाराजबाट संयुक्त रूपमा उद्घाटन गरिने मन्दिर निर्माण संयाेजक रामभक्त घिमिरेले बताए ।
मन्दिरको २०७६ वैसाख १६ गते शिलान्यास भएको थियो । मन्दिर निर्माण एवम् उद्घाटन पश्चात् धार्मिक पर्यटकहरू बढ्दै जाने मन्दिर व्यवस्थापन समितिले बिश्वास लिएको छ ।
मुख्यमन्त्री पाेख्रेल र जगतगरू अाउने भए पछि अहिले किल्चाेक अासपास व्यापक तयारी सँगै झकिझकाउ पार्ने काम हुनथालेको छ ।
