पछिल्लो समय भानुमा थप २२ जनामा संक्रमण देखिंदा जनप्रतिनिधि, कर्मचारी, व्यापारी र नागरिक पनि संक्रमित देखिएपछि सम्पर्क पहिचान गर्न नै समय लाग्ने देखिंदा व्यास नगरपालिकामा यसको संक्रमणको साइनो देखिंदा व्यासमा यसले जोखिम अझ बढाउने हो कि भन्ने त्रास कायमै छ । दमौलीमा मात्र २७ जना प्रहरीको स्वाब लिएर क्वारेन्टिनमा राखिएको छ भने अपोलो अस्पताल, अदालत, सरकारी वकिलको कार्यालय, भादगाउँ, बालमन्दिरको क्वारेन्टिन र प्रहरी गरी एक सय २ जनाको स्वाब संकलन गरिएको छ । यसको नतिजाले नै व्यासको भावी जोखिमको अवस्था बताउने स्वास्थ्यकर्मीको भनाई छ ।
