प्रमुख र उप प्रमुखलाई कोरोना देखिएपछि व्यास नगरपालिका ५ दिन बन्द

दमौलीः आफ्ना नगर प्रमुख र उप प्रमुखमा कोरोना संक्रमण देखिए पछि व्यास नगरपालिकाले पाँच दिनका लागि अत्यावश्यक बाहेकका सेवा बन्द गर्ने घोषणा गरेको छ ।

नगरपालिकाका प्रमुख प्रशासकीय अधिकृत डिल्लीराम सिग्देलद्वारा जारी सूचनामा माघ १२ गते हुने राष्ट्रिय सभाको निर्वाचनका लागि गरिएको पीसीआर परिक्षणका क्रममा व्यास नगर प्रमुख र उप–प्रमुखको कोरोना परिक्षण रिपोर्ट पोजेटिभ आएको उल्लेख गरिएको छ ।

यसैगरी, अन्य कर्मचारी समेत संक्रमित भएको पाईएकाले व्यास नगरपालिकाको अत्यावश्यक बाहेकका सेवा मंगलबार माघ ११ बाट १४ गतेसम्म बन्द गरिने सूचनामा छ ।