दमौलीः नेपाल बीउ व्यवसायी संघको २३ औ केन्द्रीय महाधिवेशनबाट संघका जिल्ला अध्यक्ष बैकुण्ठनाथ मिश्र उपाध्यक्षमा निर्वाचित भएका छन् ।
हालै राजधानीमा सम्पन्न अधिवेशनले मिश्रलाई उपाध्इक्षमा निर्वाचित गरेको हो ।
अधिवेशनबाट वसन्त मरहठ्ठा अध्यक्ष चुनिएका छन् । यसैगरी, सुरेश गुरुङ वरिष्ठ उपाध्यक्ष, मिश्रसँगै छोटेलाल प्रसाद र केदार खड्का उपाध्यक्ष निर्वाचित भएका छन् ।
विश्वराज बानियाँ महासचिव भएको नवनिर्वाचित उपाध्यक्ष मिश्रले जानकारी दिए । अब पेशागत हकहितका सवालमा प्रभावकारी भूमिका खेल्ने उनले बताए ।
