दमौलीः तनहुँको भानु र शुक्लागण्डकी नगरपालिकामा थप एक एक जनामा कोरोना संक्रमण भेटिएको छ ।
गण्डकी प्रदेश स्वास्थ्य निर्देशनालयका अनुसार शुक्लागण्डकी २ का २५ र भानु २ का २६ वर्षका पुरुषमा संक्रमण भेटिएको छ ।
यसबाहेक कास्कीको पोखरा महानगरपालिकाका १० जनामा संक्रमण देखिएको छ । उनीहरुमध्ये दुई प्रहरी र एक पोखरा स्वास्थ्य विज्ञान प्रतिष्ठानको प्रयोगशालाका स्वास्थ्यकर्मी छन् ।
कोरोना शून्य बनेको मनाङको चामेमा एक जना र लमजुङको दुधपोखरी र राईनासमा गरी एक एक जनामा संक्रमण भेटिएको निर्देशनालयले जनाएको छ ।