पोखरा : नेपाली कांग्रेसको गण्डकी प्रदेश अधिवेसनमा संस्थापन इतर समूहबाट शुक्रराज शर्मालाई सभापतिमा टिकट दिईएको छ ।
लामो छलफल र सम्बादपछि सबै उम्मेद्वारलाई एउटै मन्चमा राखेर शर्मालाई सभापति बनाउने निर्णय सुनाईएको हो ।
यसैका लागि बरिष्ठ नेता रामचन्द्र पौडेल, महामन्त्री डा. सशांक कोइराला लगायत नेताहरु पोखरामा छन् । यहाँ पौडेल समूहबाट ५ नेताले सभापतिमा आकांक्षा देखाएका थिए ।
कास्कीबाटै पुर्वमन्त्री यज्ञबहादुर थापा, देवराज चालिसे, नवलपुरका महेन्द्रध्वज जिसी र तनहुँका रघुनाथ पौडेल दावेदार थिए ।
अन्य पदहरुमा भने अझै उम्मेद्वार टुंगो लागेको छैन । संस्थापन पक्षबाट भने अर्जुन जोशीको नेतृत्वमा प्यानल घोषणा भैसकेको छ ।