विकास खनाल
दमौलीः तनहुँका नयाँ प्रहरी उपरीक्षक एसपी राजेन्द्रबाबु रेग्मीले लोक लालच र दबाबमा नपरिकन नागरिकको सेवा गर्ने जिकिर गरेका छन् ।
पत्रकार भेटघाट गर्दै उनले प्रहरीले पहिल्यै योजना नबनाउने भन्दै उत्कृष्ट नतिजा आउने गरी काम गर्ने दाबी गरे । पत्रकार जगतबाट साथको समेत उनले अपेक्षा गरे ।
‘चौंथो अंग तपाईंहरूले सकारात्मक सोचका साथ सत्यतथ्य समाचार प्रकाशित गरिदिनु भयो भने प्रहरीलाई धेरै कुरामा सजिलो हुन्छ,’ उनले भने ।
जिल्ला प्रहरी कार्यलय तनहुँमा बिहीबार भएको पत्रकार भेटघाट कार्यक्रममा एसपी रेग्मीले जतिसक्दो चाडैं सुचना प्रबाह गर्ने प्रतिवद्धता ब्यक्त गरे । एक अर्को प्रसङ्गमा प्रहरी नायव उपरीक्षक डिएसपी युवराज खड्काले समाचार लेख्दा पुष्ट्याई गरेर मात्रै लेख्न आग्रह गरे ।
जिल्लामा एसपी रेग्मी तथा डिएसपी खड्का दुवै गत हप्ता मात्रै सरूवा भएर आएका हुन् । एसपी रेग्मीको स्याङ्जा र डिएसपी खड्काको नुवाकोट घर भएको सो अवसरमा बताइएको थियो ।
