पोखराः गण्डकी प्रदेशको पार्टी अधिवेशनको पूर्वसन्ध्यामा संस्थापनइतरको नाम टुंग्याउन पार्टी वरिष्ठ नेता रामचन्द्र पौडेलको नेतृत्वमा कार्यदल बनेको छ ।
महामन्त्री डा. शशांक कोइराला निवास महाराजगञ्जमा बसेको बैठकले विभिन्न प्रदेशससँगै गण्डकीका लागि जिम्मेवारी नेताहरुलाई दिएको हो ।
अब वरिष्ठ नेता पौडेलसहित महामन्त्री डा. शशांक कोइराला, नेताहरु दिलबहादुर घर्ती, कमला पन्त र जीवन परियारले आकांक्षीबीच परामर्शका आधारमा उम्मेदवारको नाम टुंग्याउने पौडेलका प्रेस सहयोगी खिला कार्कीले बताए ।
संस्थापनइतर खेमाबाट यज्ञबहादुर थापा, रघुनाथ पौडेल, देवराज चालिसे, महेन्द्रध्वज जिसीलगायत आकांक्षी छन् ।