दमौलीः नेपाली कांग्रेसका जिल्ला सभापति बैकुण्ठनाथ न्यौपाने सर्वाधिक (खुलातर्फका महाधिवेशन प्रतिनिधिबीच) मत ल्याएर महधिवेशन प्रतिनिधि चुनिएका छन् ।
भर्खरै सार्वजनिक परिणामले उनलाई सर्वाधिक मतका साथ विजयी देखाएको हो । उनी यसपाली फेरि पनि सभापति लड्ने चर्चा छ ।
क्ष्ँोत्र १ को पछिल्लो चरणमा सार्वजनिक मत परिणामले खुलातर्फका महाधिवेशन प्रतिनिधिमा नौ जना गैर संस्थापन र दुई संस्थापन पक्षबाट विजयी भएका छन् । खुलातर्फ १० जना प्रतिनिधि निर्वाचित हुने प्रावधान छ ।
संस्थापन तर्फबाट यस अघि क्षेत्रीय सभापतिको चर्चामा रहेका आनन्दराज त्रिपाठी तथा उद्योग वाणिज्य महासंघका केन्द्रीय सदस्य देवकुमार श्रेष्ठ मात्र संस्थापनबाट खुलातर्फ विजयी भए ।
बाँकी सबै गैर संस्थापन प्यानलका छन् । तर, संस्थापनबाट जनजाति खुलामा पूर्णबहादुर गुरुङ तथा महिलामा आशा थापा निर्वाचित भैसकेका छन् । बाँकी सबै गैर संस्थापनका विजयी भएका छन् ।
केही गन्न बाँकी मत गनिए पनि आधिकारिक घोषणा हुन भने बाँकी छ ।