दमौलीः तनहुँमा एक सय २१ जनामा कोरोनाको सक्रिय संक्रमण देखिएको छ ।
गण्डकी प्रदेश स्वास्थ्य निर्देशनालयले बिहिबार सार्वजनिक गरेको विवरणका अनुसार जिल्लामा कुल चार सय १० जनामा हालसम्म संक्रमण देखिएकामा हालसम्म दुई सय ८५ जना निको भैसकेका छन् ।
जिल्लामा कोरोना संक्रमणका कारण हालसम्म चार जनाको ज्यान गएको निर्देशनालयले जनाएको छ ।
बिहिबार मात्र तनहुँका सात जना निको भएर घर फर्केका छन् । निको हुनेमा एक महिला र ६ पुरुष छन् ।
पछिल्लो २४ घण्टामा तनहुँका एक सय ५१ जनाको पीसीआर परीक्षणमा सबैको नतिजा नेगेटिभ आएको निर्देशनालयले जनाएको छ ।
