भानुः स्याङजामा ट्याक्टर दुर्घटनामा ज्यान गुमाएका युवाको स्थानीय युवा टोलीले शव ल्याएको छ । सोमबार भएको दुर्घटनामा ज्यान गुमाएका भानु ५ का सन्तोष गुरुङको त्यसक्रममा ज्यान गएको थियो । अर्का युवा रेशम गुरुङ घाइते छन् ।
स्याङजा जिल्ला आधिँखोला ५ स्थित एकरापमा भएको दुर्घटनामा सन्तोषले चलाएको ग १ त ६४४० न .को ट्याक्टर दुर्घटनामा परेको थियो । मृतक र घाइते काका भतिज हुन् ।
सन्तोषको घटनास्थलमै मृत्यु भएको र सह–चालक रेशम गुरुङ घाइते भएको प्रहरीले बताएको छ । रेशमको मणिपाल अस्पताल पोखरामा उपचार भैरहेको छ ।
भानुका युवाको टोलीले मृतकको शव घटनास्थलबाट ल्याएको छ । अब पारिवारिक परम्पराअनुसार अन्त्येष्टि गरिने युवा राजेश कार्कीले बताए ।