दमौलीः नेकपा समाजवादी तनहुँको ईञ्चार्जमा चित्र थापा चयन भएका छन् । पार्टीको हालै सम्पन्न केन्द्रीय कमिटी बैठकले केन्द्रीय सदस्य थापालाई तनहुँको इञ्चार्ज तथा सह ईञ्चार्जमा केन्द्रीय सदस्य तथा जिल्ला अध्यक्ष शंकरनारायण श्रेष्ठलाई तोकेको छ ।
तनहुँ इञ्चार्ज थापालाई आदिवासी जनजाति महासंघ ईञ्चार्ज पनि पार्टीले तोकेको छ ।
पार्टीकी प्रतिनिधि सभा सदस्य कलिला खानलाई तनहुँ सह ईञ्चार्ज तथा मुस्लिम संगठन सह ईञ्चार्जको जिम्मेवारी तोकिएको छ ।
गण्डकी सचिवमा पिएल, उप सचिवमा रेखा
बैठकले केन्द्रीय सदस्य प्रतापलाल श्रेष्ठलाई गण्डकी प्रदेश कमिटीको सचिव तोकेको छ । यसैगरी, अर्की केन्द्रीय सदस्य रेखा थापा बस्याललाई गण्डकी उप सचिवको जिम्मेवारी तोकिएको छ ।
पार्टीका किसान केन्द्रीय कमिटि सदस्य एवं मन्त्री कृष्णकुमार श्रेष्ठलाई भने विशेष जिम्मेवारी तोकिएको छैन ।